Caifé agus Caint - nóta ó Caitríona
Tá Músaem
Chorca Dhuibhne ar oscailt arís don samhradh. Bheadh míle
fáilte romhaibh bualadh isteach ann gach maidean Déardaoin
idir 10.00-12.00 le haghaidh comhrá agus cupa tae/caife, ag tosnú
amach an Déardaoin beag seo, 10ú Meitheamh. Ní
bheidh éinne á threorú ach beidh Marian a bhíodh
ag obair in oifig na hOidhreachta, ag obair ann. Abair le cairde eile
le Gaeilge é, le bhur dtoil.
Club Leabhar
Beidh an Club Leabhar
ar ais ar an gCéadaoin 15 Meán Fhómhair ar 8.00pm.
An leabhar a bheith á plé ná Salann
Garbh. Seo an dara cnuasach gearrscéalta ó Joe Steve
Ó Nechtain ó foilsíodh Clochmhóin breis
agus deich mbliana ó shin (2009) - agus b'fhiú
fanacht. Ach, ar ndóigh, níor lig sé a chuid maidí
le sruth: tá dhá úrscéal, drámaí
agus cnuasach filíochta foilsithe ó shin aige. Ach is
é an filleadh seo ar an ngearrscéal, an fhoirm liteartha
is dúchasaí sa nGaeilge, b'fhéidir, a léiríonn
máistreacht an údair ar cheird an scríbhneora.
Bíonn blas ar an mbeagán, deirtear, agus beidh plátaí
á nglanadh agus méarach á liochán nuair
a bheas an greim seo slogtha siar.
Seachtain Oidhreachta
2010
Mar chuid don
Seachtain Oidhreachta 2010 ní bheidh aon costas chun dul
isteach ar an Mhúsaem ar an Domhnach 22 Lúnasa agus arís
ar an Domhnach 29 Lúnasa. Beidh siúlóid Oidhreachta
ar súil ar maidin Dé Satharn, 28 Lúnasa, ag fágaint
an Mhúsaem ag 10.00 ar maidin. Fáilte roimh cách!
Scoil
Cheoil an Earraigh Feabra 2010
Beid an Scoil Cheoil
ar súil ón 17 Feabhra go 21 Feabhra. Breis eolais ó:
eolas@scoilcheoil.com, www.scoilcheoil.com
Tel: 086 2285385 nó 087 9967501
Beidh Oscailt Oifigiúil
Scoil
Cheoil an Earraigh 2010 ag tarlú sa Mhúsaem
ag 8.00 pm ar an
Céadaoin 17 Feabhra le Breandán Feiritéar.
Ceol & amhráin. Bí ann gan teip!
Chomh
maith, ar an Domhnach, 21 Feabhra 2010 ag 10.45am beidh
Maidin Chaifé sa Mhúsaem, ar son Ospidéal
na Leanaí, Croimhghlinn.
Seoladh Conair
Oidhreachta Chorca Dhuibhne/Dingle Peninsula Heritage Trail
Is tionscanamh é
an Conair
Oidhreachta Chorca Dhuibhne/Dingle Peninsula Heritage Trail, idir
an Mhúsaem, Ionad
an Bhlascaoid Mhóir agus An Díseart
á seoladh ag deireadh Mí Dheireadh Fhómhar 2009.
Tá billeog ann, le dearrabháin lacáiste ar tháille
iontrála dos na trí áit. Táimid an-bhúioch
don Roinn
Ealaíon, Spóirt agus Turasóireachta as
ucht an cabhair a fuaireamar.
Ag seoladh
Conair Oidhreachta Chorca Dhuibhne sa Mhúsaem bhí
Mícheál de Mórdha, Bainisteoir, Ionad
an Bhlascaoid Mhóir,
Isabel Bennett, Coimeadaí, Músaem Chorca Dhuibhne, Muireann
Nic Giolla Ruaidh, Bainisteoir, Óstan Bhenner, An Daingean, TP
Ó Conchúir, Bainisteoir, Díseart agus Pádraig
Firtéar, Comharchumann Forbartha Chorca Dhuibhne. (Le buíochas
ó Ted Creedon, The Kerryman.)
